155/2026-2027

Dated : Mamit the 15th of April, 2026 : Vawiin khan DC Conference Hall-ah Mamit-ah Pu Suvigya S Chandra,District Bawrhsap chuan Mamit District chhunga Village council - 18 te hnenah Computer Set a sem.

District Bawrhsap chuan VC 18 te hnena Computer set sem a ni chu lawmawm hle a, a dawngtu VC te pawhin hmasawnna leh tunlai changkanna mil zela hnathawhna tur niin chumi tur pawh chuan Sawrkar pawhin min beisei a ni a ti a, khawl hmang tangkai thei tura mahni pawh inzir turin Village Council te a chah a ni.

Pu John Lalnunsanga, SPM, RGSA, RD&AD chuan Village Council te hnena Computer Set sem a nih chungchang sawizauna a nei.

He hunah hian Dr.Lalngura Tlau, Director, Local Administration, Rural Development & Administration Department pawhin Village Council te hnena Computer Set sem a nih theihna tura Sawrkar hmalakna avangin lawmthu a sawi a, Village Council te chu ram leh khawtlang tana theihtawpchhuah tlang zel turin a sawm bawk.

Computer Set te hi Rashtriya Gram Swaraj Abhiyan (RGSA) scheme atanga sem niin Mizoram chhunga Village Council zawng zawngte pek vek tum niin a tahtawlin sem mek zel a ni a. Sawrkar chuan Village Council te chu khawtlang mipui rawng an bawlna kawngah tunlai computer technology thiamna hmanga tangkai taka hna thawk turin a ngen a ni.

He hun hi Pu Lalchhanhima, DLAO Mamit leh Project Director ni bawk chuan kaihruaiin, Mamit District chhunga VC -18 aiawhte an tel a ni.