104/2024-2025 

Mamit 9th April, 2024 : Mamit District chhunga kum lama upa zawk kum 85 chunglam (Senior citizen) leh pianphunga rualbanlo/awmhmun sawn harsatte ( person with disability) tan an awmhmuna kalchilha vote an thlak theihna Home Voting chu vawiin khan tan niin, Mamit District chhunga Voters 112-te vote thlak tir an ni.

Election Commission of India-in ruahmanna siam angin kum lama upa zawk leh PwD Voters te hi anmahni bialtu theuh Booth Level Officer (BLO) kaltlangin District Election Office-ah vote an thlak theihna tur dilna thawn hmasak niin heta tang hian PwD voters 30 leh kum lama upa zawk 85 + voters 82 te chu vote thlak tir an ni.

Home voting atana Polling officials te hi tukin zing dar 7:00 khan District Election Office atangin Mamit District chhung Constituency pathum 1-Hachhek(ST) A/C, 2- Dampa ( ST) A/C leh 3- Mamit ( ST) A/C ah te an fehchhuak a ni.

Home Voting atana kalchilhtu Polling Officials te hi Political party hrang hrang aiawh Agent-te leh BLO te'n an tawiawm a ni.