103/2024-2025 

Dated Siaha 9th April, 2024 : Member of Parliament (LS) inthlanpui 2024 lo awm tur atana inbuatsaihna kal zelah tukin zing dar 10 khan EVM leh VVPAT hmanruate thliarfel hna (randomization) thawhhnihna chu DC Mini Conference Hall, Siahaah Video conference kaltlanga neih a ni a. Dr. Nipun Nayak (IAS) General Observer, 1- Mizoram Parliamentary Constituency, chuan he hun hi a hmanpui.

Randomization thawhhnihna-ah hian EVM leh VVPAT hmanruate a kalna tur polling station duhthlan bik awm lovin Election Commission of India ( ECI) in ruahmanna a lo siam tawh angin khawl hmanga thliar fel a ni a, reserve tur pawh thliarfel nghal a ni bawk. Vawiin randomization-ah hian 1- Mizoram Parliamentary Constituency hnuaia Assembly Segment hrang hranga hman tur EVM leh VVPAT- te chu khawl hmangin thliarfel a ni a, Returning Officer Office Chamber, Aizawl atangin Video Conference kaltlanga EVM leh VVPAT te hi thliarfel an ni.

Vawiin EVM leh VVPAT Randomization neihna hun hi Pu V.L. Hruaizela Khiangte DEO, chuan kaihhruaiin Political Party aiawh leh Election Official-te an tel thei a. Political party aiawh te awm laiin EVM strong room- hawn nghal niin, 39-Saiha (ST) Assembly Segment leh 40-Palak ( ST) Assembly Segment- a kal tur EVM chu thliar fel nghal a ni a . Ni 10, April  atanga ni 13 chhung hian EVM te chu inthlanna a hman theih tura buatsaih (commissioned) an ni bawk ang.