No.7820/2020-2021 

Mamit 17th March, 2021 : Vawiin khan Mamit khawpui chhunga Home hrang hrangte District Child Protection Committee-te chuan an tlawhchhuak.

District Child Protection Committee March Ni 1 a neihin Child Care Institution hrang hrangte tlawhchhuak tura ruahmanna a lo siam tawh angin vawiin hian Joshua's Children Home, Specialized Adoption Centre, Buannel Home leh Observation Home-te tlawh a ni a. Home hrang hranga thawktu te'n District Child Protection Committee te hi an lo dawngsawng a ni.

Tun dinhmunah Mamit khawpui chhunga Home hrang hrangah hian hetiang hian naupang an awm mek a ni, Joshua's Children Home mi 20 awm theihna ah mi 12 an awm mek a, Specialized Adoption Centre-ah hian naupang 4 awm mekin,  naute pa 1 hi an nu leh pa te'n an surrender mek a ni a,  Buannel Home hi naupang 50 awm theihna niin naupang 18 an awm mek a. Observation Home-ah naupang 1 a awm mek bawk.

Vawiin-a  District Child Protection Committee te'n Home hrang hrang an tlawhkualna-ah hian harsatna leh buaina an neih loh thu Committee-te hian an sawi.

Vawiin Inspection neihna-ah hian Members te an tel tha hle a ni.