No.7819/2020-2021  

Dated Serchhip, the 17th March, 2021: Vawiin hian 26 Serchhip (ST) AC Bye Election inbuatsaihna kal zelah Media Certification and Monitoring Committee (MCMC) te chu an Chairman Pu Kumar Abhishek, IAS, Serchhip District Election Officer, he Election Returning Officer leh bawrhsap ni bawk hovin a pisaah an thukhawm a, MCMC hmalak dan tur hrang hrang te thlirin rate chart te an duang ho.

He hunah hian Pu Kumar Abhishek chuan, inthlanna fel fai leh muanawm tak buatsaih anih theih nan engkim Election Commission duh dana kalpui a tul thusawiin, thawktu hrang hrangte pawhin theihtawp chhuaha kan mawhphurhna te kalpui a tul thu a sawi a. MCMC pawhin mawhphurhna pawimawh tam tak thawh tur a nei a, chungte chu chiang taka kan hriat a tul a ni, a ti a. Vawiina meetingah pawh chung mawhphurhna te zirhova thlir ho chu tihtur hmasa ber anih thu a sawi a ni.

Meetingah hian MCMC mawhphurhna te leh hmalak tulna te uluk taka thlir ho a ni a. Expenditure rate chart thar pawh a theih chin chin sawiho nghal niin electronic media Advertisement monitoring kalpui dan turte, Media Centre kalpui dan turte leh mipuite hriattur puanzar kawnga hmalak dan turte pawh sawi ho a ni.

Meetingah hian Pu Lalmuansanga Ralte, Addl. DEO te, Pu Amol Srivastava, IAS, ARO te, Pu Malsawmtluanga, Nodal Officer, MCC & Expenditure Monitoring te, Pu Vanlalhmachhuana, EO leh MCMC member dangte an tel a ni.