2104/2023-2024

Mamit 2nd October, 2023 : Vawiin khan DC Complex, Mamit-ah Mamit District Cleanliness Week, 2023 hawnna hun hman a ni a, Pu V.L Remliana, District Bawrhsap chuan khuallian niin a hmanpui.

Pu V.L Remliana chuan kan pi leh pute hun lai atang tawhin hri leng an tawrh chuan kan zun leh ek kan tuarlo e an ti thin, hei hi a chhan chu kan fai ta lo e, an tihna a ni. Faina chu chhungkua a tanga tan ngai a ni a, chu chuan khawtlang fai leh ram fai a thlen dawn a, kan balh viau chuan kan la changkang tawklo a ni a ti. Cleanliness denchhena hmalakna neih zui chu a hawnna aia pawimawh zawk a nih avangin faina kawnga tan la thar theuh turin kalkhawmte a chah a ni.

Pi Lalthangpuii Pulamte, SP Mamit pawhin faina kawngah kan zavaia tan kan lak thar a tul thu sawiin, a tha zawnga model nih kan intihhmuh thar a, faina kawngah pawh midangte entawn tlak kan nih a tul thu a sawi bawk.

He hun hi Pu Samuel Zodinsanga, DUDO chuan kaihruaiin, faina hapta hman chhunga hun hman dan tur hrang hrangte a tarlang a, Week chhung hian public toilet repair, Awarness campaign, Poster & Hoarding, Retaining wall waste leh Clealiness drive-te neih tum a nih thu a sawi. Mamit khawpui chhunga Offices, Institution leh VC tinte chu faina inelna kan nei emaw neilo emaw faina kawngah endik tlak ni reng tura tan la turin a sawm a ni.

Cleanliness Week 2023 hawnna hunah hian Mamit khawpui chhunga Head of offices, khawtlang hruaitu, tlawmngaipawl aiawhte an tel a. Pu Lalthakima, Bazar veng VCP, Dr. Lalrinfela H, DMS leh Pu Laldingliana, DPC te'n thu an sawi bawk.