2103/2023-2024

Aizawl, 2nd Oct, 2023: Tukin dar 9:00 am khan Chief Secretary Dr. Renu Sharma hovin Aizawl District Level Cleanliness Week hawnna neih a ni a. Hemi pual hian DC Office thawktute leh Govt. Comprehensive Model School zirlaite'n DC office leh a chhehvel tifaiin an hnatlang.

Chief Secretary chuan faina leh thianghlimna chu mihring nun nawmna leh ram hmasawnna nen kal dun tlat anih thu leh sawrkar pawhin faina ngaipawimawhin, khawtlang nuam, ram nuam kan siam theih nan tiang hun te hi inhriathriatna hmanrua atan buatsaih a nih thu a sawi a. Chutihrual chuan kum khatah faina atana ni khat emaw hapta khat dah chu duhtawk mai loh tur a nih thu leh, nitin kan nunah faina leh thianghlimna hi senglut in, mahni leh midangte tan malsawmna nih tum zawk tur a ni, tiin zirlaite leh kalkhawm dangte chu a chah a ni.

Aizawl DC Pi Nazuk Kumar leh a thawhpui officer leh staff te leh Govt. Comprehensive Model School zirlaite hian DC office hmunhma bakah Treasury Square hmun kawngpui chu tifaiin ngawrh takin an thawk a ni.