135/2025-2026

Dated:Mamit the 11th of April, 2025 : Vawiin khan Mamit District PMAY-HFA (Urban) 2.0 chu an chairman Pu K. Laltlawmlova, District Bawrhsap/Chairman District Committee PMAY-HFA (Urban) 2.0 kaihruaina-in a office chamber-ah thutkhawm a ni.

Pu K. Laltlawmlova, Chairman PMAY - HFA Urban 2.0 chuan Scheme tha tak tak te  engemaw avanga hlawh tling lo a awm thin a, Mamit khawpui chhungah Sawrkar Laipui duh dan ang ngeia hlawhtling taka scheme kalpui a nih theih nan leh a mamawh ngeiin an dawn theih nan uluk taka endikna kalpui a nih dawn thu a sawi. 

Vawiin thutkhawmah hian PMAY-HFA (urban)2.0 hnuaia insak tanpuina dilna lut vengtina Gram Sabha/public hearing kaltlang tawhte committee-ah hian thlirho a ni a, Mamit khawpui chhunga insak tanpuina hmu tur thlang chhuak turin a hmu tur ngei te'n an hmuh theih nan, District Urban Development Office hnuaia thawk te'n a hmun ngeia lo zirchiang tha leh se tih a ni. PMAY-HFA (urban) 2.0 hnuaia insak tanpuina hmu tur hian tehkhawng fel tak duan sa hnuaia dil ngei an ni em tihte chu endikna tur a ni.

PMAY - HFA (urban) 2.0 hnuaia insak tanpuina dilna lut hi 465 awmin heta tang hian mi 31 thlanchhuah tur a ni.

Vawiin thutkhawmnaah hian District Committee on PMAY-HFA (urban) 2.0 member te an tel a ni.