134/2025-2026

Dated Hnahthial, the 11th April, 2025: Vawiin chawhma dar 11:00 khan District Information and Public Relations Officer (DIPRO) Office, Hnahthialah, Information & Public Relations (I&PR) Department-in Press Accreditation Card a siam chu Hnahthiala Accreditated Journalist-te hnenah hlan a ni.

He hunah hian Pu F. Lalrinfela, DIPRO Hnahthial chuan Hnahthial District chhunga thuthar thehdarh kawnga hma latu mi paruk ten Press Accreditation Card an dawng thei chu a lawmpui thu sawiin ram leh khawtlang tana hna an thawhna kawngah theih tawp chhuah thar leh turin a fuih a. Hriselna tha tak chang chhunzawm zel tura duhsakna hlanin Accreditation Card chu Journalist-te henah hian a sem chhuak nghal a ni.

He hunah hian thuthar thehdartu lam atangin Pu F. Zosangliana, President MJA Hnahthial District leh Pu H. Lalthanghuta, Treasurer, MJA Hnahthial te pawhin thu sawiin I&PR Department leh MJA ten thawhhona tha tak an nei thin chu lawmawm an tih thu leh thawhhona tha tak neih chhunzawm zel an duh thu an sawi a. Hnahthial District-a MJA member paruk in Press Accreditation Card an dawn theih avangin I&PR Department chungah pawh lawmthu an sawi nghal bawk a ni.

He hunah hian MJA member paruk - Pu F, Zosangliana, Editor, Calathea; Pu C. Lalbuatsaiha, Editor, Hnahthial Today; Pu Rodingluaia, Stringer, DDK; Pu CS Vanlalthara, Jt. Editor, Calathea; Pu H. Lalthanghuta, Editor, Hnahthial Times leh Pu VL Liansanga, Editor, Kailawn te chu Press Accreditation Card hi hlan an ni.