Mizoram Sorkar hmalakna anga mizoram chhunga mipuiten Gas buk tling ngei kan lak theihna tur atana hmalakna tur ngaihtuahin tukin zing khan Mamit-a Consumer Organisation te chu Sub Hqrs, Committee Room ah an thukhawm.

Tukin zing meetingah hian Aizawl atanga Mamit rawn pan tur Gas phur enzui dan tur leh kawng laka chingpen thei tur laka hmalakna tur sawi ho a ni a, kan District chhungah gas te him taka a lo thlen theih nan, a pal tlang tur khua YMA Branch hrang hrangte , Consumer Branch leh Village Council te chu Motor lo kal reng reng, lo en thlithlai ni se, thil diklo hmuh leh hriat a nih chuan District Consumer hruaitute hnenah a rang thei ang bera hriattir ni se tih a ni. hei bakah hian Gas buk tling leh dik taka kan lak theih nana hmalak dan tur ah Mamit khawpui chhunga khaw hrang hrangah te Gas sem chhuah hunah Village Council, YMA leh Consumer Branch te thawk tlangin buk tling ngei chauh mipuite hnenah sem chhuah ni se, buk tling lo chu mipuite pawhin la lo ngam se tih niin, buk a tlin leh tlin loh hriat theihna tur atan henga hmala tu ten an bukna mai ring lovin Gas semtu ten a bukna tur lo ngaihtuah ve se committee hian a ti bawk.

Heng bakah hian Consumer ten Gas kan lakin Sr No kan ziah lan loh avang te leh, receipt kan lak loh avanga buaina kan tawh thinte a ziaawm nan Receipt in ang tlang neih dan tur sawi ho a ni a, District Consumer’s Organisation ten lo siam se a bak zel chu vengtin gas semtu ten lo siam chhunzawm se tih a ni