Vawiin khan Mamit District Level Development Co- Ordination & Monitoring Comittee chu an Chairman Pu C.L Ruala, MP Lok Sabha hovin D.C Conference Hall, Mamit ah Mamit District chhunga hmasawnna hna thawh hrang hrangte thlir hovin thutkhawm a ni.

Meeting kaihruaitu Pu C.L Ruala, Committee Chairman chuan hmasawnna hna thawhna kawngah District Officer te chu tha thlah lova, theihtawp chhuah zel turin a sawm a a ni.

Meetingah hian Central Schemes hrang hrang MGNREGS, PMAY, PMKSY, DDUGY, NSAP, NRDWP, SBM (G), PMGSY, BADP, MDM / SSA, RMSA hnuaia hmalakna leh hmasawnna te thlir ho a ni a, MGNREGS hnuaiah hian Job Card nei mi 20648 awmah hetiang hian inhlawhna siam tawh a ni. Zawlnuam I ah ni 14, Zawlnuam II ah ni 28, W. Phaileng ah ni 14 leh Reiek Block ah ni 28 inhlawhna siam tawh a ni. Hriselna kawnga hmalak chhoh mek zel a ni a, NHM hnuaiah mi 81946 tuam an ni a, naupiang 1000 ah nausen 21 ten nunna chan anga chhut an ni a, hetah hian hmasawnna hmuh chhoh mek a nih thu tarlan tel a ni. Mamit District chhungah 2016-17 chhungin malaria vanga thi an awm lo a ni. Mamit District Hospital hnuaiah ICTC din niin HIV hrik pai leh pai  loh mi 284 test tawh an ni a, hetah hian mi 64 te chuan ART damdawi an la a ni. Zuk leh hmuam dona kawngah hma chak taka lak mek zel niin School pathumte chu tobacco free school a puan an ni tawh thu tarlan tel a ni bawk.

SSA Mission hnuaia naupang chhun chaw pek ( Mid Day Meal) chu kalpui chhoh zel ni niin chhun chaw chhumtu ( Cook) hna thawkte hnenah thla khatah Rs 1500 pek an ni. SSA hnuaia hnathawk ten an hlawh tur 2016-2017 chhung daih a awm thu tarlan a ni bawk.

IWMP hnuaiah Zawlnuam BDO hmalakna in W. Bunghmun khuah Solar hmanga tui pump khawl lian tha tak  siam a ni chu Committee hian lawmawm a tih thu a tarlang a.

Pu Ronald Sapa Tlau MP Rajya Sabha Co- Chairman ni bawk chuan hmasawnna hna hrang hrang thawhna ah District Officers te hmalakna chu lawmawm hle a ni a ti a, theihtawp chhuaha ram leh khawtlang tana hna thawk zel turin a sawm bawk a ni.

Meeting-ah hian Pu V.L Robiaka. MLA Chairman ZIDCO leh Pi Lalbiaksangi, District Bawrhsap te bakah Committee Members te an tel tha hle a ni.