535/2025-2026
Dated : Mamit the 8th of April, 2025 : Vawiin khan DC Conference Hall, Mamit-ah District Disaster Management Authority chu chairman Pu K.Laltlawmlova, District Bawrhsap kaihhruainain Civil Defence Mock drill neih dan tur sawi ho a ni.
Vawiin thukhawmah hian boruak atanga beihna (air raid) tawh palh thuta chetlak dan tur leh mipui mimir te chiai lo leh an himna tura tha thawh dan tur nunchan zirna hi ni 13 (thawhleh) zan 8:30 ah neih nise tih a ni a, hemi hunah hian vengtin information mike kaltlanga siren a rik rualin Black Out a awm dawn a, mahni in leh a vela eng awm thei reng reng off vek tur niin, lirtheia che chhuak mekte pawhin an awm hmun theuhah che lova, eng chhi chhuak thei chi reng reng chu off vek tur a ni ang.
He chhiatna thlen thulha chetlak dan turah hian ruahmanna hrang hrang siam a ni a, chhiatna a lo thlena hmalakna tur leh tih ngei ngei ngai thilah department hrang hrangte mawhphurhna inpek a ni.
He Civil Defence Mock Drill Mamit khawpui chhunga kalpuina turah hian chhiatna tawh palha chet lak dan tur leh ruahmanna tha taka kalpui a nih theih nana enchhinna tur a nih angin mipuite chiai lo tura hriattir kan nih bakah thuawih taka zawm vek tura ngen kan ni bawk.
