534/2025-2026

Khawzawl, dated 9th May 2025: Vawiin chawhnu dar 2 khan DC Conference Hall-ah Khawzawl DC Pu K. Vanlalthiana hovin pisa hotute an inhmukhawm a, Union Minister of State, Ministry of MSME and Labour & Employment Pi Shobha Karandlaje May ni 7 a Khawzawl district a tlawh enletna leh Union Minister of State, Ministry of Women & Child Development Pi Savitri Thakur a lo tlawh tur chungchang sawihona neih a ni.

He hunah hian hotute chu Union Minister Pi Shobha Karandlaje lo tlawh chungchanga enletna hun tha tak an hmang a, ngaihdan hrang hrang te sawiin an tih that lai te, an tih that tawk loh te inhawng takin an sawi ho a ni. Union Minister Pi Savitri Thakur lo kal leh tur chungchangah ngaihdan hrang hrang sawi a ni bawk a, pisa hrang hrang te Centrally Sponsored Scheme (CSS) leh a chungchang hrang hrang inring turin an rel. DC Pu K. Vanlalthiana chuan Union Minister Pi Shobha Karandlaje hlawhtling taka an dawnsawn theih avangin lawmawm a tih thu a sawi a, Union Minister Pi Savitri Thakur lo kal leh hun atan pawn pisa hotute lo inbuatsaiha mahni hnathawh hrang hrang chiang taka hre turin a chah bawk.