533/2025-2026

9th May, 2025 : Pu N.T. Bhutia, Principal Secretary, Election Commission of India chuan ni hnih (2) cham turin Mizoram a rawn tlawh.

Pu N.T. Bhutia Principal Secretary, Election Commission of India chuan vawiin chawhma dar 11:00 khan Directorate of Election-ah Election Department hotute nen meeting neiin, Election Department tihhmasawn leh tihchangtlung a nih theih nana mamawh hrang hrangte sawi ho niin, inthlan kaihhnawiha a ruahmanna hrang hrangte Election Commission of India duh dan anga fel fai taka kalpui a nih theih dan tur te sawi ho a ni bawk. He meeting-ah hian Pi Ethel Rothangpuii, Joint Chief Electoral Officer, tuna Chief Electoral Officer, Mizoram charge la mektu bakah Election Department-a Officer te an tel a ni.

Meeting neih zawhah hian Pu N.T. Bhutia, Principal Secretary, Election Commission of India hian 17-Aizawl West-III leh 18-Aizawl South-I Assembly Constituency huamchhunga Polling Station thenkhat a tlawh nghal a. Vawiin tlai hian Thenzawl a pan anga, naktuk ni 10.05.2025 (Inrinni) khian 26-Serchhip Assembly Constituency huamchhunga Polling Station thenkhat a tlawh anga, ni 11.05.2025 (Sunday)-ah Mizoram chhuahsan in New Delhi a pan ang.