Vawiin chhun dar 12:00 khan Mamit District Disaster Management Committee chu an chairman Pu V. Lalremthanga, IAS District Bawrhsap, Mamit District hovin an thukhawm.

Meeting-ah hian Mamit District chhunga khaw hrang hrang atanga report an dawnte an thlir hova, Mipui tana hlauhawm leh chhiatrupna thlen thei, khaw hrang hrangin an rawn report te Joint Verification Team dina a hmuna enfiah ni se an ti a. Mawhphurhna la tur leh a tul anga hma la a, lo zirchiang turin Department hrang hrang Meeting hian a ruat nghal a chungte chu. Building /Leilawn chhe mai thei lo endik turin DRDA Mamit ruat an ni a, thingkung chenna atana hlauhawm thei te lo endik turin DFO Mamit ruat niin Tanky him lo leh siam that ngai lo siam tha turin EE, PHE ruat an ni bawk. Heng bakah hian Leimin hlauhawm leh hmun him lo lo enfiah turin EE.PWD Mamit leh E.E PWD Kawrthah Division te ruat an ni bawk. Electrict ban leh hruifelhlel mihring tana hlauhawm endika report pe turin EE P&E Mamit te ruat an ni.

Heng endik tur Department ten an endik report hi ni 25.10.2013 aia tlai loah DC Mamit hnenah thehluh ni se tih te meeting-ah hian rel a ni.

Meeting-ah hian members te an kal tha hle a ni.