Vawiin khan Pu Vanlalngaihsaka, District Election Office Chamber-ah Mamit District Election kaihhnawiha viltu General Observer Pu Rajesh Manjhu IAS, Police Observer,    M.Sathiya Priya, IPS Expenditure Observer, Frederick Syiemlieh, IAAS te leh Mamit District chhung Assembly Constituency pathuma Returning Officer te, SP, Mamit leh Cammandant 4th IR te chuan kan hma lawka Mizoramin General Election kan hmachhawn tura Mamit District chhung inbuatsaihna leh hmalakna thlirho a ni.

Vawiin meeting hian kan hmalawka inthlanpui kan hmachhawn tura Mamit District chhunga inbuatsaihna hrang hrang thlirho zingah hian, boruak muanawm tak hnuaia inthlanna felfai leh thianghlim tak siam tura mawhphurhna nei ten tha taka kan hlenchhuah a tul thu sawi a ni a. Hei bakah hian polling station hrang hrangah venhimna tha taka kalpui a ni a, Critical Polling Station venhim ngai zual ah te venhimna tha zawka thuam dan tur sawiho a ni bawk. 

Tripura Transit Camp-a Mizoram mi leh sa Vote neite tan Kanhmun-ah Temporary Polling Station siam a ni dawn a, boruak muanawm tak hnuaia tha taka vote thlak a nih theih nana venhimna kalpui dan tur sawiho a ni bawk.

Kumin inthlanpui atana kan hman tur EVM/VVPAT chu mipuite'n vote kan thlak zawh ve leh Strong roomah dahthat a ni dawna, Strong room hi uluk lehzuala venhim anih dawn bakah  CCTV vuah vek ni se tih a ni bawk.

Mamit District chu network a that tawk loh avangin  Web casting chu hman a ni dawn lova, Mamit District bik tan hian ngaihnathiam a ni a.Videograph hmangin Critical Polling Station-a thilthlengte capture anih dawn thu meeting-ah hian tarlan a ni.