Vawiin khan D.C Conference Hall, Mamit-ah Draft Electoral Roll, 2018 Mamit District Pu H. Lianzela Addl D.C Mamit chuan a tlangzarh. 

Pu H. Lianzela Addl D.C chuan Election Commission duhdan anga  Draft Roll, 2018 a hun taka tlangzarh a nih theihna tura buaipuitu Elections Official te chungah lawmthu a sawi a, Special drive hlawhtling taka kalpui a ni chuan tun tum draft roll-ah vote nei thar an pun  thu a sawi bawk. 

Pu M.H James Election Officer chuan Draft Roll 2018 chungchang sawizauna a nei bawk. 

Vawiin-a tlangzarh tak Draft Electoral Roll, 2018 a lan danin Mamit District chhungah Vote nei mi 62676 awmin mipa 31876 leh Hmeichhia 30800 an ni. Vote nei thar punna hi mi 255 niin 0.40% a ni, 1-Hachhek Constituency ah hian vote nei punna hi mi 25 awmin 0.10% a ni a, 2- Dampa(ST) ah mi 75 niin 0.42% a ni bawk 3- Mamit Constituency ah hian vote nei thar mi 155 awmin a punna percent hi 0.70 a ni bawk. Draft Roll, 2018 a lan danin vote nei thar punna ( Addition)  hi an vain mi 626 niin paih ngai paih( Deletion) hi mi 371 an ni.  

1-Hachhek   (ST) a Vote nei tamna ber Polling Station hi Zamuang Polling Station niin vote nei mi 1111 an awm a, a tlemna ber hi Sotapa a ni a, Vote nei mi 110 an awm a ni. 2- Dampa ( ST) a vote nei tamna ber Polling Station hi W. Phaileng Dinthar Veng-1  niin vote nei mi 934 an ni a, Vote nei tlemna ber hi Zopui Polling Station niin vote nei mi 45 an awm thung a ni. 3- Mamit (ST) ah hian Mamit Hmarveng Polling Station ah Vote nei mi 1097 awmin a tamna ber a ni a, N. Sabual Polling Stationah vote nei mi 156 awmin a tlemna ber a ni thung a ni. 

Vawiin Draft Roll, 2018 tlangzarh tak hi Political Party aiawh te hnen-ah a copy pek an ni a, Tlawmngai pawl YMA leh MUP te hnenah leh Thuthar thehdarhtute hnenah Soft Copy hlan an ni bawk. 

He hunah hian M.H James, Election Officer, Pi Lalzikpuii AERO, Mamit leh Political Party hrang hrang aiawh,  Tlawmngai pawl  YMA, MUP aiawhte  leh thuthar thehdarhtute an tel a ni.