Vawiin chawhma dar 11:00Am khan Pi Harleen Kaur IAS, Siaha District Bawrhsap chuan a Office Chamber-ah kumin Teacher’s Day puala zirtirtu thawktha thlanchhuah te Thingpui inpuiah sawmin Chawimawina thuziak a hlan hlawm a ni. 

Teacher’s Day-2017 Celebration Committee chuan Siaha District chhunga zirtirtu thawktha te thlangchhuak turin SDO (S) kaihhruaina hnuaiah Sub-Committee a din a. He Sub-Committee hian uluk takin a hnuaia tehfung tarlan hmang hian  Primary School, Middle School, High School leh Higher Secondary  School atangin zirtirtu tha ber  leh Headmaster/Headmistress tha ber a thlang chhuak  a ni. 

Zirtirtu tha thlachhuahna tehfung :

1)      A Subject a lakah zirlaite  pass parcentage

2)      Regularity& Punctuality

3)      Co-Curricular Activities

4)      Books, Magazine, Article etc.. Published/written

5)      Church & Other Social Activities

6)      Any Special Ability/Characteristics

7)      Honour/Awards a dawng tawh em? Tih te hmanga uluk taka teh an ni. 

Vawiin Teacher tha berte thlanna inkhawm hi Pi Lalnunmawii,SDO (S) in a kaihhruai a, Pi Lalnunmawii  Zirtirtu tha ber thlanna Sub-Committee a Chairperson ni bawk chuan  zirtirtu tha ber  te thlanchhuah hi Bawrhsap Pi Harleen Kaur IAS ngaihtuah chhuak a ni a. Teacher’s Day hman laiin kan DC hi meeting pawimawh avanga a zinchhuah lai tak  a nih avangin,  vawiinah a Office Chamber-ah chawimawina thuziak hi kan hlan ta che u a ni, a ti. 

Bawrhsap Pi Harleen Kaur chuan Ziritrtu tha thlanchhuah theuh te thingpui a inpui thei chu changsang a intih thu sawiin,  chawimawina thuziak tlawm te hmang hian lawmthu ka sawi a ni, a ti. Siaha District in  Zirna kawnga  hma a sawn zelna turah  District Administrator ka nihna anga tih theih ka nei chuan  min  finchhuah zel rawh u, intan ka inhawng reng a ni, a ti bawk. 

Headmaster/Headmistress tha ber : Pi P.Chaki  D/o P.Zado, Headmistress Gov’t PS-I, Meisavaih

Zirtirtu tha ber:

1)      Higher Secondary School Teacher  atangin--- Pu V.Samson s/o V.Macho (L), GHSS Siaha

2)      High  School Teacher  atangin -         Pu VB.Byhna s/o V.Hiasa , ECM High School

3)      Middle  School Teacher  atangin -    Pu JC Lalthansanga s/o C.Thankhuma,  Gov’t Education Vaih Middle School

4)      Primary  School Teacher  atangin -     Pu K.Hrangkima s/o K.Khailua(L), College Vaih -I,PS-II