No.6564/2020-2021

Mamit 16th November, 2020 : Vawiin khan DC Conference Hall, Mamit-ah Dr. Lalrozama, IAS, District Election Officer/District Bawrhsap chuan Draft Electoral Roll, 2021 chu a tlangzarh.District Election Officer chuan Roll felfai kan neih theihna tur leh a hun taka draft Roll tlangzarh a nih theihnana buaipuite chungah lawmthu a sawi.Draft Electoral Roll tlangzarh takah hian Mamit District chhunga Constituency pathuma vote nei zat hi mi 67790 niin mipa 34371 leh hmeichhia 33419 an ni a. Vote nei punna hi -0.31% a ni. Mamit District chhung Constituency pathuma vote nei tamna leh tlemna berte te chu hetiang hi a ni:-   1-Hachhek(ST) huam chhungah vote nei tamna ber hi Zamuang Polling station niin voters 1191 a ni a. Vote nei tlemna ber hi Sotapa niin Voters 126 an awm a ni. 2-Dampa (ST) ah hian Saithah Polling Station-ah Voters 1049 niin a tamna ber a ni a. Zopui Polling Station-ah Voters 52 niin a tlemna ber a ni. 3-Mamit ( ST) huam chhungah hian Voters tamna ber hi Damparengpui - II Polling Station niin Voters 1148 an awm a. Dilzawl Polling Station-ah Voters 159 Voters awmin a tlemna ber a ni thung a ni. Draft Electoral tlangzarh takah hian Publication of integrated draft electoral roll hi 16.11.2020 a ni a. Period for filling claims & Objections hi 16.11.2020 atanga 15.12.2020 thleng hun hawn a ni.  Disposal of Claims & Objection hi Ni 10.01.2021 a ni a. Final Publication of Electoral roll hi 20.01.2021 a ni ang. Vawiin Draft Electoral Roll, 2021 tlangzarh tak hi Political Party aiawh te hnenah a copy hlan nghal an ni. Draft Electoral Roll, tlangzarhna hunah hian EROs, AEROs, Elections Officials te bakah Political Party atangin MNF, INC, BJP leh Tlawmngai pawl aiawh leh thutharthehdarhtute an tel a ni.