No.6563/2020-2021 

Aizawl, the 16th November 2020 : Vawiin (16.11.2020) khan Land Revenue & Settlement Pu Lalruatkima hovin a pisa ah “The Draft Mizoram Underground Pipeline (Acquisition of Right of use in Land), Bill, 2020” chungchanga din Drafting Committee chu an thukhawmin he Bill hi an thlir ho a ni.

He Dan siam tur hian Mizoram chhung hmun hrang hranga tui kal dan turte, Gas kalna turte, tui chhe kalna tur leh thil siamna hmun hrang hrang atanga bawlhhlawh kaldan tur leh chumi atana a kawng tur Pipleline siam dan tur, mimal ram emaw sawrkarin a lak (Acquired) dan chungchang ruahmanna a ni. Heng mai bakah hian he Dan siam tur hian Electric line leh communication signal line te pawh leihnuai a Pipeline anga kaltir a nih dawn pawha ram ruahman dan tur chungchang a tel bawk a. He dan hian a tum ber chu heng Pipeline kaltir a nih dawna mimal ram lak a lo ngaih pawha ram pumpuia mimal ram laksak ngawt ni lo deuh a, a Pilpeline kalna tur bik mimal ram hman tura ruahman dan (Right of Use) a tel bawk a ni.

Draft Committee hian he Dan ruahman an thlirho hi remchang hmasa bera thlirho leh atan ruahmanna an siam bawk a ni. He huna telte chu Pu Zarzosanga, Secretary, Land Revenue & Settlement Department; Pu Lalramnghaka, IAS, Deputy Commissioner Aizawl District; Pi Angela Zothanpuii, Director, Land Revenue & Settlement Department; Pu Zahmingthanga Ralte, Joint Secretary, Law & Judicial Department leh Pu C. Lalrosanga, Joint Secretary, Land Revenue & Settlement Department te an ni.

Attachment

  • Loading attachment...