2595/2022-2023
Mamit 9th November, 2022 : Vawiin khan DC Conference Hall, Mamit-ah Special Summary Revision of Photo Electoral Rolls, 2023, Draft Publication chu Pu Lalnunhlua, District Election Officer chuan a tlangzarh.

District Election Officer chuan Draft Electoral Roll tlangzarh a ni chu lawmawm a tih thu sawiin Tripura Transit Camp-a Bru awm mekte Mizoram Electoral Roll atangin paih (Deleted) chhoh mek zel an ni a, tuna la awmte pawh paih tura hmalak mek zel a nih thu a sawi.

Pu Lalhmachhuana, Election Officer chuan Draft Electoral Roll, 2023 tlangzarh tak sawizauna a nei a bawk.

Mamit District Draft Electoral Rolls, 2023 tlangzarh takah hian Mamit District chhungah vote nei mipa 35085, hmeichhia 34251 an vaiin mi 69336 an awm mek a, Final Electoral Rolls, 2022 atanga vote nei danglamna hi -2.15% a ni.

Mamit District chhungah polling station 121 awmin 1-Hachhek A/C huamchhungah Zamuang Polling Station-ah Voters 1116 awmin an tam ber a, Sotapa Polling Station-ah 127 awmin a tlemna ber a ni. 2-Dampa A/C -ah Saithah Polling Station-ah vote nei tam berin Voters 993 an awm a, Zopui Polling Station-ah Voters 49 awmin an tlem ber a ni. 3-Mamit A/C-ah Tuipuibari-I -ah Voters 1069 awmin an tam ber a, Tlangkhang Polling Station-ah Voters 145 awmin a tlem ber an ni thung a ni. Mamit District Level Standing Committee hmasa-in a rel anga Polling Station panga hawn belh dilna chu Election Commission Of India chuan phalna pe-in W. Phaileng Dinthar Veng-III, Chhippui, Silsury-III, Hreichuk leh Lengpui -IV te hawn thar an ni a. Serhmun Polling Station-a Voters te chu Bunghmun PS -ah section hrana behtir an ni.

Tripura Transit Camp-a Mizoram chhunga Vote nei la awm mek tarlan danin 1-Hachhek A/C -ah 3914, 2-Dampa AC-ah 858 leh 3-Mamit A/C-ah 2697 an vaiin 7469 an awm mek a, Draft Electoral Rolls, 2023 tlangzarh takah hian Voters 1648 te paih (Deleted) an ni. Mamit Elections Officials te chuan Mizoram-a vote la nei, Tripura Transit Camp-a Reang (Bru) voters te paih hna hi thawh mek zel a nih thu an tarlang bawk.

Draft Electoral Roll, 2023 tlangzarh tak scheduled chu hetiang hi a ni.

1. Publication of integrated draft electoral roll - 09.11.2022 (Wednesday)

2. Period for filing claims & objections - 09.11.2022 to 08.12.2022

3. Special campaign date - Two Saturdays and Sundays within claims and objection period to be proposed by the CEO

4. Disposal of claims and objections - 26.12.2022 (Monday)

5. (i) Checking of health parameters and obtaining Commission's permission for final publication & Updating database and printing of supplements - 03.01.2023.

6. Final publication of Electoral roll - 15.01.2023 (Sunday)

Draft Electoral Rolls, 2023 tlangzarh tak hi Political party hrang hrang BJP, INC, MNF leh ZPM te hnenah District Election Officer hian a hlan nghal bawk.

Special Summary Revision of Photo Electoral Rolls, 2023 tlangzarhna hunah hian Election Officials, Mamit District chhunga EROs/AEROs, BLOs, Political Party aiawh leh tlawmngai pawl aiawhte an tel a ni.