Vawiin khan Pu Vanlalngaihsaka District Election Officer hovin, a Office Chamber ah Kumin MLA Election kan hmachhawn tura mawhphurhna pawimawh tak tak chelhtute tan an chanvo inhrilhhriatna neih a ni.

Pu Vanlalngaihsaka, DEO chuan kumin inthlanpui kan hmachhawn turah Mamit District chhung mipui India khua leh tui, Vote nei zawng zawngte chu an chhia leh tha hriatna hmanga, ngaihtuahna fim tak nen, an duhthlanna hmanga zalen taka vote an thlak theihnan Election chhunga mawhphurhna leh chanvo hrang hrang  neitute chu  tha taka an mawhphurhna leh chanvo te hlenchhuak turin a  chah a ni.

Vawiin training ah hian  Pu Lalrinzuala SDO(S) chuan Team hrang hrangte mawhphurhna inhrilhriatna a nei bawk.

Training-ah hian All MCC Team Flying Squad Team, Statistic Surveillance Team, Video Surveillance Team, Video Viewing Team leh Asst Expenditure Observer te an tel a ni.

Vawiin vek hian Kumin Inthlanpuia kaihhnawiha Thlalatu turte tan training neihpui an ni bawk.