Vawiin khan kumin MLA General Election 2018 atana hman tur ECIL M3 VVPAT lo thleng tharte Strong Room atanga lakchhuaha endikna ‘First Level Checking’ chu Addl DEO Pu K.Vanlalthiana hova neih a ni a. VPAT te hi ECIL Company lam atanga lokal Engineer 2 ten an endik a ni.

Election Officer Pu Lalremruata Kullai-in Political Party aiawhten hun chep tak karah pawh an tawiawm fo thin avangin an chungah lawmthu a sawi a. Inthlanna muanawm leh felfai tak a awm theihna tur atana thawhpuiah a sawm nghal bawk a ni.

Heng VVPAT 15 lo thleng tharte hi engemaw palh thulha invenlawkna tur atana ECI lam atanga dil belhte an ni a.  Vawiin a lakchhuahna leh endikna hunah hian Political Party aiawh, Media, Election Staff leh Security Personel-te an tel a ni.