Vawiin khan Mamit District Election Officer,  District Bawrhsap ni bawk Pu Bhupesh Chaudhary, hovin kumin inthlanpui kan hmachhawn tura, inbuatsaihna leh hmalak tawhna hrang hrangte thlirho-in Election kaihnawiha Nodal Officer hrang hrangte thutkhawm a ni.

Vawiin thlirletna meeting-ah hian Election ni-a Motor mamawh zat turte leh Election-a duty tur mihringte leh venhimna kalpui dan tura ruahmanna Nodal Officers te'n an siam chu thlirho a ni a, Election kaihhnawiha mawhphur turte District Level Master trainers te'n,  training  an pek hun tur leh an pek dan tura ruahmanna an siamte en ho a ni bawk. Mamit District Election Observer te lo kal huna  tha taka lo dawnsawna, kan hmalak tawhna te leh ruahmanna siamte felfai taka kan lo hmuh theihnan Nodal Officers te inbuatsaihna  thlirho a ni bawk.

Tun tum Election kaihnawih-ah hian Mamit District chhungah Nodal Officer in ruat a ni a, chung zingah chuan  Control Room leh Helpline No. Election kaihhnawiha hriatthiam loh leh zawhfiah duh neite tan Phone theihna No. siam a ni dawn bawk a ni. 

Election Commission Of India in Inthlan hun tur, a puan atang chuan District Election Office chu Media lampangte'n an tlawh duh a nih pawhin Media Pass, Election Office atanga pekte chauh tan Election Office tlawhpawh theih a nih dawn thu meeting-ah hian tarlan a ni.

Meeting-ah hian Returning Officer,  Nodal Officers hrang hrangte leh  Election kaihnawiha thawktute an tel a ni.