3179/2024-2025

Dated: Mamit the 25th of November, 2024 : Vawiin khan Taitesena Buk, DC Office-ah Dr. Lalrozama, IAS Electoral Rolls Observer hovin Special Summary Revision of Photo Electoral Rolls chungchang sawihoin thutkhawm a ni.

Dr. Lalrozama, Electoral Roll Observer chuan Election Commission of India in a duhdan angin Roll Revision neih mekah khawtlang hruaitu, tlawmngai pawlte leh Officials-te thawhhona a tha em tih te, roll a chuang tur dik tak te'n an hriat duh leh mamawhte officials-te hnenah atangin an hre tha em tihte chu ECI-in a ngaihpawimawh a nih avanga tlawh a nih thu a sawi a. Roll Revision neih chhungin India khua leh tui dik tak, Rolls a chuang tur ngei te'n kan luh ngei theih nana ngaihven turin a chah a ni.

Pu Lalnunfela Chawngthu, Election Officer-in a tarlan danin Mamit District chhung Assembly Constituency pathum atanga Form hrang hrang 6.7.8 atanga dilna lutte hetiang hi a ni, Form 6 -ah 1 Hachhek atangin 519, 2-Dampa atangin 714 leh 3-Mamit atangin 760 dawn a ni. Form 7 atangin 1-Hachhekah 244, 2-Dampa atangin 238 leh 3- Mamit atangin  271 lut a awm a. Form 8 atangin 1-Hachhek-ah 339, 2-Dampa atangin 428 leh 3-Mamit atangin 519 lut a awm bawk a ni. 

Special Summary Revision of Photo Electoral Rolls, 2025 neih mekah hian hming thunluh, paih ngai leh siamthat ngaihte tan Dt. 29.10.2024 - 28.11.2024 chhung hun hawn a ni a, Form lutte hi ERO/AERO te'n enfiahin, December 24 2024 ral hmain chinfel hman tur a ni anga, Final Roll hi January 6, 2025 ah tarchhuah a ni.

Mamit District chhungah hian vote nei Mipa 32886 leh Hmeichhia 32307 an vaiin 65193 an awm mek a ni.

Vawiin meeting-ah hian Pi Carolyn L.B. Khiangte ERO 3- Mamit, Pu Malsawmzuala, ERO 1-Hachhek te bakah tlawmngaipawl aiawh leh Political Party aiawhte a tel a ni.