3727/2024-2025

Dated:Mamit 08th January of 2025 : Vawiin khan DC Office, Taitesena Bukah Final Electoral Roll - 2025 (Village Council) chu Pu K. Laltlawmlova, District Election Officer, District Bawrhsap ni bawk chuan a tlangzarh.

Vawiin a tlangzarh tak Final Electoral Rolls, 2025 ah hian Mamit District chhungah vote nei mipa 32161 hmeichhia 31449 an vaiin 63610 an awm a. Draft Roll tarchhuah atanga punna hi 2524 a ni. Final Electoral Rolls - 2025 (Village Council) tarchhuahah hian VC seats hi General 294 leh reserve 98 a vaiin 392 a awm a, Polling Station hi 92 awmin, Local Administration Department thuchhuak angin Tuipuibari Village Council chu Tuipuibari - I leh Tuipuibari - II ah then niin, Kawrthah North leh Kawrthah South Village Councils pahnih atangin Kawrthah Village Council siam belh a ni bawk.

District Election Officer chuan Final Electoral Rolls - 2025 (Village Council) tarchhuah a nih theih nana Officials-te hmalakna leh khawtlang hruaitu, tlawmngaipawl leh Political Party-te thawhpuina-ah lawmthu a sawi bawk.

Vawiin-a tarchhuah tak Final Electoral Rolls - 2025 ( Village Council) hi Political Party hrang hrangte hnenah a copy a hlan nghal bawk a ni.