Vawiin khan Siamliana Hall, Mamit-ah  Development Commissioner for Handloom, Ministry of Textile, Govt of India New Delhi leh Mizoram Apex Handloom and Handicraft Co-operative Society Ltd (MAHCO) Mizoram  tangkawpin an buatsaih  Handloom Fair chu Dr Lalrozama, IAS District Bawrhsap, Mamit chuan a hawng.

Dr Lalrozama, District Bawrhsap chuan mahni thiamthil leh hnam ziarang lang theia eizawnna kawng zawh chu thil tha tak a nih thu a sawi a, kan thil dehchhuah leh tharchhuahte in phurpui tawna mipui te tan leh a thawkchhuaktu te'n tangkai taka kan hman a pawimawh a ni a ti. Mamit District Bawrhsap ni tura awm tan chauh a nih avangin Handloom lama Mamit dinhmun ala hriat loh thu sawiin, puantaha eizawngte tan hmalam hunah hmazawn zel turin, a changtu Department te nen tang tlangin tan lak chhoh zel tum a ni a ti. Handloom Fair buatsaih chu tangkai taka hman atan a hawng a ni.

He hun hi Lalrinawma Pachuau, Project Manager, MAHCO chuan a kaihruaia, Nl Lalremsangpuii, Cluster Development Executive chuan lawmthu sawina a nei bawk.

Handloom fair-ah hian Stall hrang hrang pa 5 TL Handloom, Zonunsang Handloom, Chhinga Veng Handloom leh Thenzawl PP Commercial hawn niin puan chi hrang hrang puanzeh/Plain leh Handloom Products chi hrang hrang man tlawm zawka lei theih turin chhawpchhuah a ni a. Ni 7th Nilaithawhtan thleng a awh ang.