Vawiin chawhnu khan Pi J.H. Lalparmawii, IPRO Mamit District, Mamit chuan Mamit District a chanchinbu mite a Pisa-ah inkawmhona hun a neih pui.

Pi J.H.Lalparmawii, IPRO chuan Chanchinbumite chu Fourth Estate tih hial a pawimawh in ni a, ram khalh ngil kawngah te, inremna leh inunauna thlen thei khawp a thil tih theihna nei in ni a. Chuvangin kan thil ziah leh chhuahah chi leh chi, hnam leh hnam, veng leh veng te thleng pawhin in huat theihna tur ang leh tharum thawh duhna hial khawp thlen thei tu tur ang chhuah lo tura fimkhur a ngai hle a ni tiin, chanchinbu mite chu tan bik nei lo tur leh thu laila taka thlir tura ngaih kan ni a, awn bik lam nei lo a thu chhuah thin turin a ngen a. Kan thu chhuah reng rengah belhchian dawl ngei chauh chhuah tum ila, nakin zelah keimahni mualpho phah theihna tur ang chi chhuah loh a tha a ni a ti a.

Pi J.H. Lalparmawii chuan Chanchinbumite te hian kan dikna leh kan chanvo kan hriat rualin kan duty hi kan vawn tlat a pawimawh a ni tiin, Information & Public Relations Department leh Chanchinbumite chu inngheng tlat tur kan ni a, thawhhona tha tak kan neih a ngai a, chumi tur atan chuan inpawh tak leh inzahtawn tak a kan thawhho a ngai a ni a ti bawk.

Chanchinbu mite pawhin Information & Public Relations Department ten nen thawhhona tha tak an neih tawh leh an neih mek ah lawmthu an sawi a, thawhhona tha tak an neih chhunzawm zel an beisei thu leh thu pawimawh hrang hrang te an sawiho bakah chanchinbumite leh chanchinbu hmasawnna kawngah hmalak pui ah an sawm bawk a ni.

He inkawmhonna ah hian Mamit District a chanchinbu mite an tel tha hle a ni.