Ni hnih cham tura vawiina Mizoram lo thleng, Geological Survey of India (GSI) Director General Dr. S.K Wadhawan leh Deputy Director General pathumte chuan Higher &Technical Education Minister Pu R. Romawia, Industries Minister Pu H. Rohluna leh Parliamentary Secretary Pu Joseph Lalhimpuia te chu an office chamber-ah theuh hmuin, inkawmna hun an hmanpui.

GIS hotute hi Geology & Mineral Resources Director Dr. H. Lallenmawia’n a tawiawm a ni. GSI hotute hian Sorkar hruaitute hnenah hian Mizorama GSI hmalakna te tarlangin, Mizoram leilung chiang zawka zir a nih theih nana hmalakna kalpui dante an sawi a. GSI hotute hi naktuk (28.6.2014)-ah Durtlangah Field Training Centre sakna tur lungphum phum tur a lo kal an ni a. Field training Centre sak tur hi India hmarchhak pumin an hman tawm tur a duan a ni.

Dr. P.B. Sarolkar, Dy. Director General, GSI, Kolkata, Raghubir Singh, Dy. Director General, GSI, Shillong leh L. Harendranath, Dy. Director General, GSI Training Institute, Hyderabad ten Director General Dr. S.K Wadhawan hi an tawiawm a ni.