No.7657/2020-2021

Nimin khan District Legal Service Authority hmalakna-in District Jail Mamit-ah Legal Awareness campaign neih a ni.  

He hunah hian Resource persons, Pu H.T. Lalmawizuala Judicial Magistrate First Class leh Dr. Lalrinfela,Senior Medical Officer, District Hospital, Mamit te'n zirtirna an kalpui a, Pu HT Lalmawizuala chuan Indian Constitution leh Prisonal manual-a Jail tangte dikna leh chanvo awmte hrilh hriatna a nei a, District Court, Mamit-a ukil awmte leh Ukil rawihna neilo sawrkarin a rawihsak (free Legal sevice) leh a dil dan kalhmangte hrilh hriat an ni bawk. 

Dr. Lalrinfela, District Hospital, Mamit pawhin Jail tang mek te'n Free medical treatment an neih theih dan leh Hepatitis natna 60% chu ruihhloa inchiu vang anih thusawiin Hepatitis C- damdawi hi sorkarin thla thum course senso sing 4/5 a thlawnin a tumsak theih thu a sawi bawk a ni. Prisoners- te chu khua leh tui tha ni turin a fuih bawk a ni.  

Mamit District Jail-ah hian tang Undertrial prisoners 43 leh convict 6 an awm mek a,  chung zinga mi 4 te chu hmeichhia niin Jail tangte tan Medical Clinic- neih nghal niin mi 8 an hriselna dinhmun en an ni a, UTP zingah pakhat refer a ni bawk a ni. Inentir thenkhat te hi a thlawna damdawi sem an ni bawk.  

Legal Awareness- cum- Medical Clinic Programme hi Pu Lalbiakdika Superintendent District jail, Mamit chuan a kaihruaia, Pu Laldinpuia Tlau Secretary, District Legal Services Authority, Mamit bakah Legal service staff te leh Advocates te'n an telpui a ni.