1641/2022-2023
Aizawl 17th August 2022 : Vawiin khan DC Conference Hall, Mamit-ah Pu Lalnunhlua, Chairman DLCC, Focus/ District Bawrhsap kaihhruainain Focus Project kaltlanga Mamit District chhunga hmalakna hrang hrangte sawiho-a thlirletna hun neih a ni.

Chairman chuan Focus hnuaia hmasawnna hnathawhna tura Project hrang hrang kalpuitu Department-te chu theihtawpa kuthnathawktute'n hlawhtlinna an hmuh ngei theihna tura thawk turin a chah a.

Meeting-ah hian Tentative Plan for Supervision Mission during August, 2022 thlirho niin Mission Team members Dr. VP Singh ( Better Jhum, Settled Agri & Livestock) Mr. Piyush Kanal (Country Programme Analyst, IFAD India) Mr. Pradeep Shrestha, Financial Management Specialist- te chuan Dt 26 leh 27 August, 2022-a Mamit District hmalakna an rawn endik dawn thu leh lo inbuatsaihna turte sawiho zui nghal a ni.

Vawiin Meeting-ah First Quarter, 2022-2023 chhunga Focus hnuaia hmalakna hrang hrang a lem nena entir niin Mizo Chilli FIG 25-a chhungkaw 500 te tan kg 1500 semchhuah a ni a. Kuhva tiak khaw 40 a chhungkaw 620 tan tiak 248000 sem chhuah niin, Rainbow Rooster (Arnote) chhungkaw 450 te tan arnote 20 theuh sem a ni bawk. 1st Quarter chhunga hmalakna-ah hian Mamit District chhunga mi pali te hnenah Vawkvulh tanpuina 1st instalment pekchhuah a nih thu tarlan a ni.

Mamit District chhunga Focus kaltlanga hmalakna-ah hian Farmer Interest Group (FIG) din niin trade hrang hrang Jhum, Orchard, WRC/TRC, Landless, CCA leh Value Chain-ah FIG 761 a awm mek a. FIG te hi Rs. 10,000/- (singkhata) tanpui thin an ni.

Vawiin thutkhawmah hian District Level Co-ordination Committee ( FOCUS) members te an tel a ni.