1116/2022-2023 
Mamit 1st July, 2022 :  Vawiin khan DC Conference Hall, Mamit-ah Pu Lalnunhlua, District Bawrhsap/Chairman District Level Co-ordination Committee hovin Mamit District chhunga ASF hrileng mek chungchang thlirin District Level Co-ordination Committee On African Swine Fever thutkhawm a ni.

Meeting-ah hian ASF hri avanga Mamit District chhunga vawk thi leh suat tawh zat Vety Department- in a tarlan danin Mamit khawpui chhungah Vawk suat zat hi 451 niin Vawk thi 629 a vaiin 1080 a ni a. Mamit khawpui pawnah hrileng avanga Vawk suat tawh 321 awmin Vawk thi 269 a vaiin 590 a ni. Tun dinhmunah ASF hri avanga Mamit District chhunga Vawk chan tawh zat hi 1670  a ni.

Vawiin thutkhawmah hian ASF hri avanga vawk suat (Culling of Pigs) tur nei te'n Compensation an hmuh let theih nan Vety Department leh VC hnen atangin certificate lak hmasak a ngaih dawn thu tarlan a ni a. Hri avanga Vawk thi leh suat te uluk taka phum tur leh sawngbawl turin Commitee chuan Vawk phumtute leh Vawk neitute a ngen a. VC tinte pawh anmahni bial theuh vil uluk leh zual tura tih an ni bawk.

African Swine Fever (ASF) hri-in ziaawm lam a pan theih nan leh SOP tha taka zawm a nih theih nan Vawk thi leh suat phum tur neite Vety Department-ah report pe thin tura tih an ni a, Department Officials te chu phum leh sawngbawl danah vil zui turin Committee hian a ti bawk.

Meeting-ah hian District Level Co-ordination Committee members te an tel a ni.