2426/2025-2026

Dated : Mamit the 27th of November, 2025 : Vawiin khan Mamit District Level Committee for implementation of Pradhan Mantri Dhan Dhaany Krishi Yojana (PMDDKY) chu an chairman Pu K. Laltlawmlova, Distict Bawrhsap kaihruainain DC Conference Hall, Mamit-ah thutkhawm a ni.

Pu K.Laltlawmlova chuan PM-DDKY chu scheme thar a nih angin a bul tanna chauh kan la ni a, Department dangte nena tangruala thawhho thiamte, ei leh bara intodelh tura, loneitute tih hmasawn chu scheme-in a tum ber a nih angin line Department te pawh inzir belh zela, a hlawhtlinna hmu ngei tura theihtawpchhuah tlan a tul thu a sawi.

Vawiin thutkhawmah hian Prime Minister Dhan-Dhanya Krishi Yojana Schem thar hnuaia loneitute tih hmasawnna tur leh hlawk zawk leh man hla zawka thingtlang lo leh huan enkawlna kalpuina tura Sawrkar laipuiin ruahmanna a siamsa dungzuia, Mamit District chhunga kalpui dan tur hrang hrangte sawiho niin, Department dangte hmalak tawhna sa nena tawngkawpa hnathawh theihna tur leh hmalak ho dan turte sawiho a ni.

Pi C.Vanthangzuali, ADAO in Prime Minister Dhan Dhanya Krishi ( PM-DDKY) chungchang a lem nen tarlangin, he scheme hi Oct ni 11 ah NASC Complex-ah Prime Minister-in a hawng a, ei leh bara intodelh a, thingtlang mite tih hmasawn chu a tum ber niin a hranpa a, sum leh pai fund a awm lo a, hmalak tawhna mek leh hmalakna kal leh zel tur atana hmasawnna tha zawk a awm theih nana department dangte nen pawha thawk tlang tura ruahmanna niin, India rama Aspiraltional District 100 thlan chhuahah Mamit District kan tel thute a tarlang a ni.

Thutkhawmah hian Mamit District chhunga farmers te atangin Distict Level Committee for the implementation of Pradhan Mantri Dhan Dhanya Krishi Yojona members tur thlanna neih nghal a ni.