2425/2025-2026

Champhai, dated 27th November 2025: Education Minister Dr. Vanlalthlana chuan vawiin khan Education Training Hall-ah "Post PRS (PARAKH Rashtriya Sarvekshan) District Level Dissemination and Training on HPC (Holistic Progress Card) for selected Primary School Headmasters and Teachers under Champhai District" chu a hawng.

Minister Dr. Vanlalthlana chuan thu sawiin zirtirtute hna chu naupang leh thalai te rilru hrualtu leh kaihruaitu an nihna angin chanvo pawimawh tak an nei a, an zir tur te an hriatthiam a an vawn theih dan turin zirtir an ngai a, zirtir dan changkang zawk leh thar zawk te kalpui a tul thu a sawi a. PARAKH assessment-ah Champhai District an titha tawk lo chu pawi a tih thu sawiin education hi ngaih pawimawh hle a tul tih a sawi a. He training hi zirtir dan tha an thiam nan leh PARAKH leh HPC chungchang an hriatthiam theih nan hlawkpui ngei turin duhsakna a hlan a ni.

He hun hi District Education Officer Pi K. Lalsiamliani'n a kaihruai a, SCERT Jt. Director Pi Zoramthangi Ralte, Samagra Shiksha State Project Director Pu C. Lalthanzira leh DIET Principal Pu H. Lalhruaitluanga te'n thu an sawi bawk.

He hun zawhah hian Minister Dr. Vanlalthlana chuan Govt. GM Higher Secondary School leh District Education Office te a tlawh a, zirtirtute leh staff te hnenah fuihna thu a sawi bawk. Minister hian tunkar khan Khawzawl leh Champhai District a tlawh a, district zawng zawng a tlawh kimna a ni.