255/2023-2024

Mamit 28th April, 2023 : Vawiin khan DC Conference Hall, Mamit-ah Pu V.L. Remliana Chairman DLCC Focus/ District Bawrhsap kaihhruaina-in Mamit District Level Coordination Commitee on Focus thutkhawm a ni.

Chairman chuan meeting-a kalte chungah lawmthu sawiin, members te chu kan ngaihdan ang angte huai taka sawi tur leh mipui ten hmasawnna leh hlawkna an hmuh ngei theih nan ngaihtuahna seng turin a chah a ni.

Pu Lalbiakthanga Pachuau, District Project Manager, FOCUS pawhin kum kalta 2022-2023 chhunga FOCUS hmalakna hrang hrang Agriculture Sector, Horticulture Sector, Soil & Water Conservation Sector leh Vety Sector te tarlangin, heng sector hrang hrangah hian kum kalta chhunga sum hman ral hi Rs. 4,46,75,872/- (nuaih zali sawmli paruk sing sarih sangnga zariat sawmsarih pahnih) a ni. Kum kal mek April to June chhunga hmalakna leh hmachhawp mekte tarlan ni bawkin, Sector pali Agriculture, Horticulture, Soil & Water Conservation leh Vety-ah hian target achivement hi Rs. 2,01,97,110/- (Nuai zahnih pakhat singkua sangsarih za sawm) a ni.

Vawiin meeting-ah hian Focus leh Vety te'n MOU agreement an siam bawhzuiin vawkte sem tur chungchang rel ho a ni a. MOU-in a phut angin kum kalta-a vawk note semchhuah tur la pek fel loh harsatna hrang hrang sawiho a ni a. ASF hrileng vanga vawk note a hlawma lak tur a awm loh avangte, vawk note ramdang/hmundang atanga lakluh khap a nih avangin vawkvulh turte'n tualchhung a mi lo lei mai a, an vawk note leina man an Account-ah thunsak mai nise ti-a pawmpuina tur an chhawpchhuah chu Committee hian a pawmpui a, Vawk note hi 500 lei tur niin, mi pakhat tan vawkno pahnih semchhuah a ni anga, Vawk an lei ngei em tih Monitoring paha thla laksak leh an ni ang.

Meeting-ah hian District Level Coordination Committee On Focus members te an tel a ni.