Vawiin khan D.C Office Chamber Mamit-ah  Pi Lalbiaksangi, District Election Officer/ District Bawrhsap ni bawk kaihruaina in Mamit District Level Standing Committee  chu an thukhawm. 

Vawiin thutkhawmah hian  ah hian Mamit District chhung Constituency pathum atanga  polling station thlak dilna leh building thawmthat ngai, polling station then, polling station thar dilna te ngaihtuah ho a ni a. 

1-Hachek Constituency atang hian   Bungthuam, Zomuantlang leh K. Sarali atang ten Polling sation thlak dilna dawn a ni a, Polling Station thawmtha tura dilna khaw 10 atangin a lut bawk a ni. 

2-Dampa Constituency atang hian polling station thlak dilna Zopui, Kanghmun, Tuahzawl, Rulpuihlim leh Ailawng atang dilna lutin station 6 te chu thawmtha tura dilna dawn a ni. 

3-Mamit Constituency a tang hian polling station thlak dilna Suarhliap leh Dilzawl atanga dawn a ni bawk a, polling station 7 te chu building thawmtha tura dilna dawn a ni bawk. Heng bakah hian 1- Hachhek constituency huam chhung Kanhmun leh 3- Mamit Constituency  huam chhung Mamit Hmarveng Polling station  te chu voters a lo pun chhoh ve zel tak avangin station hniha then rawtna ngaihtuah ho a ni bawk. 

Vawiin mettingah hian Khanthuam Polling station thar din rawtna ngaihtuah ho a ni a, an khaw dinhmun lo zirchinga Election Commision Of India duhdan ang a ni em tih zirchian phawt ni se meeting hian a ti bawk a ni. 

Pi Lalbiaksangi District Election Officer chuan  rawtna hrang hrang  lut te chu thuneitu sang zawk Election Commision Of India ah  thlen  phawt a nih dawn thu a sawi a, chutih rual chuan Polling station thawmthat ngai school building te chu SSA, Mission  kaltlanga School thawmthat hna an thawh mek  chu hmang tangkaiin D.C Office Election Branch atang pawhin en zuia Building te hi thawmthat tum a nih thu a sawi bawk a ni. 

Meetingah hian M.H James Election Officer, Mamit,  District chhunga ERO, AERO, DEO, DPC SSA, Political Party aiawhte leh MZP leh MJA aiawhte an tel a ni.