1908/2025-2026

Dated : Mamit the 29th of August, 2025 : Vawiin chawhnu dar 2:00 khan DC Office, Taitesena Buk-ah District Level Standing Committee chu Pi Carolyn L.B.Khiangte, Deputy District Election Officer/Addl DC kaihhruaihnain an thukhawm.

Vawiin thukhawmah hian Mamit District huam chhung constituency pathum 1-Hachhek ( ST) AC, 2- Dampa (ST) AC leh 3- Mamit (ST) AC -a Polling Station dinhmun te thlirho a ni a, tun dinhmunah Polling Station thlak ngai leh siamrem ngai awm rihloa hriat a nih avangin Polling station 122 te chu tha tawk riha hriat niin pawm tlan a ni a, Election Commission of India in a duh ang zulzuia Polling Station tih danglam atana rawtna lut thar erawh chu sawiho niin zirchian hmasaka a tul dan a zira thuneitute sang zawka thlen nise tih a ni.

Mamit District chhung Constituency pathum 1-Hachhek (ST) AC ah Polling station- 38 awmin voters 21607, Mipa 10814 leh hmeichhia 10793 an awm a. 2- Dampa (ST) AC a polling station awm zat hi 41 niin voters 20358, Mipa 10397 leh hmeichhia 9961 an awm mek a, 3- Mamit (ST) AC ah polling station 43 awmin Mipa 12353 leh hmeichhia 12234 an vaiin voters 24587 an awm mek a ni.

Vawiin meeting-ah hian Pu Lalnunfela Chawngthu, Election Officer chuan Polling station chungchanga Election Commission of India duhdan te sawizauna a nei bawk.