1907/2025-2026

Dated Kolasib the 29th August 2025: Vawiin khan Kolasib DC Conference Hall ah India Independence Day vawi 79 na, kumin August ni 15 a Kolasib a lawmna buatsaih thlirletna neih a ni a. He hun hi Pu Robert C Lalhmangaiha, Kolasib DC chuan kaihruaiin, Kolasib a Sawrkar Office hrang hranga an hotute, NGO te , MJA te, khawtlang hruaitute leh pawl hrang hrang aiawhte an tel a ni.

He hunah hian Kolasib DC chuan India Zalenna champha hlawhtling taka hman a ni thei chu a lawmawm takzet a ni, a ti a. Hemi hlawhtlinna atana Department, pawl leh mimal theuh chanvo pek te an chanvo hlawhtling taka an hlen thei chu a lawmawm hle a ni, tiin , hun lokal lehzel turah pawh theihtawp chhuah zawm zel turin a chah a ni.

Pu Robert C Lalhmangaiha chuan India sawrkar ni pawimawh te chu urhsun taka hmang tur kannih angin kan chanvo theuh te a pawimawh zia an hriatthar zel chu a tul a ni, a ti a. Heng ni hmanna ahhian thil fel famkim taka tih chu duhthusam ani a,amaherawhchu tihsual leh duhkhawp tawk lohna erawh a lo awm thin chu pawi a tih thu sawiin, inhriatthiam tawnna a awm angai a ni,a ti a, a lehpek ah tha lehzual a ruahmanna a awm theih nan an ngaihdan theuh te sawi turin kalkhawmte chu a sawm nghal bawk.

Vawiin hunah hian Independence Day lawmna puala hun hman dan leh sum senso te thlirletna neih a ni a. Kalkhawmte chuan Independence Day lawmna hman dan chu tha ti tlang in, hun lola kal zel turah ruahmanna felfai zawk nen a kalpui zel nise an ti bawk.

Kolasiba India Independence Day Vawi 79 na lawmna hi Kolasib Sports Stadium ah kumin August ni 15 khan neih a ni a. Pu Vanlalhlana, PWD, Transport & PAD Minister chu Khuallian niin, hnam puanzar a pawt pharh a,  Parade Contingent-te chibai a chhang let a ni.