1906/2025-2026

Dated Serchhip, the 29^th August, 2025: Vawiin khan Superintendent of Police, District Child Protection Unit (DCPU) leh District Legal Services Authority (DLSA) Serchhip te tangkawp buatsaihin Serchhip SP Conference Hall ah Serchhip District huamchhunga Special Juvenile Police Unit (SJPU) te leh Police Personnel te tan Juvenile Justice (care and protection) Act, 2015 leh Protection of Children from Sexual Offences Act (POCSO Act) chungchang zir hona hun neih a ni.

He hun Pi Vanlalmuanpuii, Protection Officer (NIC) DCPU kaihhruaiah hian Serchhip SP Pu Gavit Gogna chuan Programme hawnna hun a hmang a. District Child Protection Officer R Lalramdinmawii chuan Juvenile Justice(care and Protection) Act 2015 chungchang a zirtir a ni.

Pu Lalrosanga Colney, Addl. Public Prosecutor chuan he hunah hian SJPU te leh an thawhpuite mawhphurhna leh naupang Dan bawhchhiate case kalpui dan tur leh enkawl dan tur leh Prevention of Children from sexual Offences(POCSO) Act chungchang a zirtir a. Pu Saizikpuia Sailo, LPO(DCPU) chuan Serchhip District a JJB case neih tawh dan report  a pe a ni.

Zawhna leh chhana hun hawn a nih bakah sawihona hun hman a ni. Pu Saidingliana Sailo, Addl. SP, Serchhip District chuan lawmthu sawiin hun a khar a ni.