Vawiin khan Mamit District Level Task Force on Corona Virus te chu an Chairman Dr Lalrozama, IAS District Bawrhsap kaihruaina-in DC Conference Hall, Mamit-ah thutkhawm a ni.

Vawiin meeting-ah hian State Level Task Force on Mitigation of Corona Virus in a phut angin National leh International Border bulhnaia khua awm zawng zawngah awarness Campaign Gram Sabha nei tura a tih angin Mamit District a kalpui dan tur rel a ni a. A tul anga Gram Sabha hi lo koh turin DLAO, Mamit mawhphurhna pek a ni. He mi atana Awarness Campaign Materials thuziak mipuite hrilhhriat tur lo buaipui turin CMO, Mamit chu mawhphurhna pek a ni bawk.  Awarness Campaign hi tun thla chhung ngeiin ramri depa khawtinah neih tura ruahmanna siam a ni.

Meeting-ah hian inkalpawhna kawngpui pawimawh laiah natna hrik an kai nge kailo (Screening Activity) chu Kanhmun Police Check Gate ah Dt 19 atangin neih tura ruahman a ni a. He tah hian Medical Team, Police te'n  YMA phungbawm a sawmin neih tum a ni. He Screening-na hmunah ah hian ramdang a tanga lo lut mi tupawh an hriselna dinhmun en a nih dawn bakah zawhna chhan tur tur form awm sa (Questionaire) an fill-up  bawk ang.

Mamit District Hospital-ah pawh he natna lo thlen thulhah chet lak a awlsam nan Isolation Ward khum 5  awmna ruahman niin District Education Office kaltlangin Corona Virus laka himna tur zirtirna District chhung school hrang hrangah neih tura ruahmanna siam a ni bawk.

District Level Task Force-te chuan mipuite he natna laka kan lo him tlan theihnan ruahmanna siamte zawm hram hram turin  mipuite min ngen a. Hei bakah hian mimal tin te'n kan taksa vawnfai bakah kut fai taka sil chu he natna laka him nan a pawimawh thu tarlan a ni bawk.

Chief Medical Office-in  Corona Virus laka invenna atana budget a siam chu District Level Task Force meeting-ah hian thlirho a ni bawk.

Meeting-ah hian District Level Task Force on Corona Virus Members te an tel a ni.