Vawiin dt. 11.4.2013 chawhma dar 10:30 khan Mamit District Level Vigilance & Monitoring Committee chu an Chairman Pu C.L. Ruala, MP(LS) hovin Mamit DRDA Conference Hall ah neih a ni.

He Committee ah hian Pu C.L. Ruala, MP (LS) Chairman ni bawk chuan member te kokim taka an tel theih avangin member te hnenah lawmthu a sawi a. Sorkarin hmalakna hrang hrang a neih mekah te tun aia nasa lehzuala tan laa hnathawk turin memberte bakah Department enkawltute a fuih a. BDO te pawh an bial chhung a Scheme hrang hrang hmalak kawngah tun aia khauh leh chak lehzuala hma la thar leh turin a fuih bawk a ni.

Chairman in a sawmna angin Pu C. Lalpeksanga, Project Director, DRDA, Mamit chuan DRDA Mamit hnuaia CSS Scheme hrang hrang MGNREGS, IAY Scheme leh Scheme hrang hrang IWMP, SGSY te a hmalakna leh achievement te a report a ni.

He Committee ah hian CSS hrang hrang PMGSY, ARWSP, NSAP, TSC/RSP, NRLM hmalakna mai bakah Central sorkarin a UD & PA kaltlanga Scheme a neih JNNURM hnuaia khawpui chhunga miretheite chawikan na Programme - EWS Housing Scheme leh SJSRY hmalakna thlirho tel a ni a. Heng Scheme hrang hrang a hmalak dan te hi lungawi thlak hle in Committee chuan a hria a ni.

He Committee ah hian Co-Chairman Pu Lalhmingliana, MP(RS), Pu John Rotluangliana, Deputy Speaker, Pu V.L.Robiaka, MLA, Chairman ZIDCO, Pu RS Lalzamliana, Deputy Commissioner, Mamit te leh Department hrang hranga Officer te an tel kim hle a ni.