2880/2024-2025
Dated: Mamit 7th of November, 2024 : Thlasik kan lo lut leh tan ta a, hemi hun hi Sava pem chite'n kan ram an rawn paltlang hun a ni a. Nungchate chunga lainatna lantir hi mipuite'n kan tih tur a niin kan rama awm nungchate humhalh pawh hi kan mawhphurhna a ni.
Chuvangin, Pu Jacob Lalawmpuia, MCS, District Magistrate, Mamit District chuan Section 163 (1), Bharatiya Nagarik Suraksha Sanhita (BNSS), 2023 in thuneihna a pek angin a hnuaia mi ang hian khapna thupek a chhuah.
Mamit District chhungah Ramsa, Sava leh luidung nungchate, Silai, Airgun, Sairawkherh leh hmanraw dang hmanga veh leh man khap a ni.
He thupek bawhchhetute chu Section 223, Bharatiya Nyaya Sanhita (BNS), 2023, Wildlife (Protection) Act, 1972 (Sec.9) leh Arms Act, 1959 (Sec.20) hmangin hrem theih an ni ang. He khapna thupek hian, hnuhlet a nih loh chuan, chhuah anih atanga thla hnih (2) chhung a huam ang.
