553/2025-2026
Dated : Mamit the 10th of May, 2025 : Ministry of Home Affairs, Govt. of India hmalakna in India ram a Civil Defence Mock Drill, neih tura tih kal zela Chief Secretary chair-na hnuaia meeting dt.8.5.2025-a rel angin, Mamit District-ah pawh Ni 13.05.2025 (Thawhlehni) zan dar 8:30 PM hian Mamit khawpui chhungah neih tur a ni:
Hetiang hian Mock Drill chu neih tur a ni ang:
1) Ni 13.05.2025 (Thawhlehni) zan dar 8:30 pm ah Mamit khawchhunga veng tinah VC Information system atangin Siren tihrik tan a ni ang a, 8:35 PM thleng minute 5 chhung a ri ang.
2) Siren rik chhung zawng hian mitinin power eng thei zawng zawng-inverter leh battery hmang te tiamin tihthim (off) vek tur a ni ang.
3) Lirtheia tlan lai te pawh mahni awm hmunah engine off-a dingin, motor light pawh tihthim vek bawk tur a ni ang.
4) Mihring chenna In ni lo, Community Hall/Biak In/Sikul/Office leh Vantlang intawm building-a light eng thei zawng zawng pawh tithimtu tur lo inruat theuh tur a ni ang.
He Civil Defence Air Raid Mock Drill hi India ram puma Civil Defence System dinhmun enna tur leh a taka a lo thlen huna hmelma laka himna atana a pawimawh zia tun atanga mipuite inzirtirna a ni a. Tun hnaia ramri-a thenawm hmelma te'n vansang boruak atanga an rawn beih thutna thļengah pawh Black Out tangkai zia a taka hmuh a ni. Mock Drill blackout neih turah hian P&E Department atanga shutdown neih a nih dawn loh avangin hlawhtling taka hman a nih theih nan ruahmanna siam te hi zawm turin mitin kan inngen e.
