554/2025-2026

Aizawl Dated 10th May, 2025: Vawiin khan Ministry of Skill Development and Entrepreneurship (MSDE) Secretary, Pu Atul Kumar Tiwari chuan ni khat cham turin Mizoram a lo tlawh a, Pu Lalmalsawma Pachuau, Secretary LESDE Dept., Pu John Tanpuia, Director, LESDE Dept. te leh department officer ten an lo dawngsawng a ni. Pu BK Singha, Regional Director, RDSDE, Pu Ishwar Poojar, Director IIE ten Pu Tiwari hi an lo tawiawm a ni. 

Pu Tiwari hian Aizawl a lo thlen ve leh Government Aizawl ITI chu tlawh nghalin, institution building leh infrastructure dinhmunte a en a, he hunah hian ITI zirlaite nen pawh inkawmna hun neiin ITI hmasawnna atana an lo thlen hrang hrangte chu ngai pawimawhin a tul anga hmalakna kalpui a nih theih nan Pu BK Singha, Regional Director, RDSDE chu lo bawhzui nghal turin a hriattir bawk a ni.

Pu Tiwari hi Mizoram a cham chhungin NIT, Mizoram te, NIELIT, Mizoramte bakah PMKVY hnuaia Skill Training Centre te tlawh a tum a, Thenzawla Mizote puantah hmanga eizawnna kawnga hma kan lak mekna Handloom  Centre te tlawh tumin ruahmanna a siam bawk a ni.

Pu Tiwari hian a cham chhungin Labour, Employment, Skill Development & Entrepreneurship (LESDE) Department thawktute nen Mizorama Skill & Entreprenuership lama hmasawnna tur hrang hrang leh ṭhalaite tana hmasawnna tur hmachhawp tam tak Lesde Department Minister Pu Lalnghinglova Hmar te nen sawiho an tum bawk a ni. Naktip, May 12 Thawhtanni hian Mizoram chhuahsanin Delhi lam a pan leh nghal dawn a ni.