555/2025-2026

Khawzawl, dated 10th May 2025: Khawzawl Bawrhsap Pu K. Vanlalthiana chuan mock drill hriattirna thuchhuah hetiang hian a siam.

"HRIATTIRNA

Ministry of Home Affairs, Govt. of India duh dan angin Khawzawi khawpui chhungah May ni 13, 2025 (Thawhlehni) zan dar 8:30 hian Civil Defence Mock Drill neih tur a ni a. He drill hi thlawhnaa inbeihna (air raid) awm anga neih tur niin, blackout a awm dawn a ni. He blackout hian minute nga (5) chhung a awh ang. He drill hi thlawhna atanga inbeihna thlen palh thulha kan chet dan tur enchhinna tur a nih avangin mipuite chiai lo turin kan inngen a ni.

He drill neih dan tur leh a kaihhnawihte chu hetiang hi a ni e:

1. May ni 13, 2025 (Thawhlehni) zan dar 8:30 hian DC Office, Khawzawl atangin minute 5 chhung siren tih rik a ni ang.

2. Siren rik chhung hian eng thei chi hrang hrang kan neihte tih thim vek tur a ni a. Hemi chhung hian Power & Electricity Department-in kawlphetha pawh an titawp ang.

3. Lirthei tlan laite pawh siren rik chhung hian mahni awm hmunah lirthei ti thi in din vek tur a ni. Damlo phur lirthei tlan laklawhte chu a huam lo vang.

4. Mihring chenna in ni lo, vantlang in (Community Hall), Biak In, sikul leh pisa a eng thei zawng zawngte pawh ti thimtu tur lo inruat theuh tur a ni.

5. Blackout chhung hian damdawi inte chuan eng khaihlak chhunga hman tur generator an ngaihtuah lawk ang."