Vawiin khan Mamit District PYKKA Sport 2012 chu Mamit Playground ah Pu Rodingliana, SP Mamit in khuallian niin a hawng.

Hawnna inkhawm Pu Benjamin Lalzama, MCS, SDO (S) Chairman, PYKKA Sports Organising Committee kaihhruaiah hian khuallian chuan thusawiin, Sports hi ruilhlo nena inmil lo tak thil a ni a, ruihhlo laka fihlim mahni inthunun theite tan chuan eizawnna tham a ni, a ti a. Sports ah mi hlawhtling tam tak an chhuak tawh a ni tiin Mizo hnahthlak zingah Mary Kom te pawh infiamna a a hlawhtinna avangin Police Officer ah lut tawhin dunhmun awhawm takah an awm tawh a ni tiin infiammi kalkhawmte chu mahni inthununa sports lama theih tawp chhuah theuh turin a sawm a ni.

Pu Mickey Lalenkawla, SDEO, Mamit, Secretary Organising Committee in PYKKA Sports 2012 chungchanga hriattur pawimawh sawiin, Vanlalduatsanga U-16 Football Player in meichher chhiin thutiam lakna a nei bawk.

Mamit District PYKKA ah hian Block 4 awm turah Block 2 chauh West Phaileng leh Zawlnuam II Block chauh an tel thei a. Infiammi 120 vel an pungkhawm a ni. Infiamna chi hrang hrang 9 : atheltics, boxing, football, taekwondo, wrestling, weightlifting, hockey, badminton leh table tennis ah te inelna neih a ni dawn a ni.

Mamit District PYKKA Sports hi 18 October hian khar a ni ang.