Regulation 2.3.4 of the Food Safety and Standards (Prohibition and Restrictions on Sales) Regulation, 2011 chuan eng thil pawh, mihring ei tura siam leh buatsaih ah hriselna atana hlauhawm thei thil reng reng, a bik takin Tobacco (vaihlo) leh Nicotine telh a khap.
He dan behchhan hian Mizoram sorkar chuan 22 August, 2012 khan Mizoram chhungah Gutkha/Pan Masala/Zarda zawrh a khap ve ta, he khapna dan hi heng product hrang hrang sawi tak zuartuten tha taka lo zawm theuh tura ngen an ni a, he Public Notice a chhuah atanga thla khat chhunga heng product te hi lo kawl/zuar tawh lo turin hriattir an ni e.
Gutkha product, a zawrh khap hial ngai khawpa mihring taka hlauhawm, natna tam tak leh thihna hial pawh thlentu hi ram leh hnam hmelma a ni tih hria a lo lei tawh lo turin thalai, Gutkha ei/hmuam thin zawng zawngte ngen an ni e.
Nu leh Pate pawhin he khapna dan hi khawngaiha lo thlawp saka fa/nau tin te he dan zawm tura lo fuih theuh turin leh Gutkha ei/hmuam sim tir tura thahnemngai taka hma lo la tura ngen an ni bawk e.
Mizo mipuite tangruala ram leh hnam hmelma, thalai duhawm tak takte run mek tu, Gutkha product hi do tlang vek turin mi zawng zawng ngen an ni.
