Vawiin khan Mamit District Road Safety Committee chu an Chairman Pu Bhupesh Chaudhary,  District Bawrhsap ni bawk hovin an thukhawm.

Vawiin thutkhawm-ah hian Road Safety Week, 2018 hman liam tak thlirletna neih a ni a, Road Safety Week puala Road Protection Squad ten kawngpui dung Motor Parking leh insakna bungrua etc. senghawi a nih theihnana khawpui chhung kawngpuite inspection drive lo neih tawh chu ataka kalpui ngei anih theihnan chak taka hmalak zui ni se tih a ni a, Police Department, District Transport Officer,  PWD leh Excise Department tangkawp te chuan Mamit khawpui chhunga Motor parking-na hmun tur, Taxi Stand siamna tur hmun leh mipuite kawngkanna tur Zebra Crossing hmun turte lo en a,  lo zirchiang tura tih an ni. Hei bakah hian lirthei chetsualna laka kan him theihna tura mipuite zirtirna thuziak tarna hmun turte lo endika,  a hmun hma turte lo bithliah fel tura tih an ni bawk.

Heng hmunhma te hi enfela bithliah a nih hnuah District Execu tive Force(Police) te chu mipuite hriattheih tura arang thei ang bera hriattirna Notification pein hman tan nghal a nih theihna tura hmala tura tih an ni. 

Meeting-ah hian mipuite kan him tlan zawk theihnan Commercial Vehicle zawng zawngte an Document leh Driver te lirtheih khalturin an tling tawk em tihte Surprise checking neih ni se tih a ni bawk, heng bakah hian Mamit khawpui chhung kawngpui dunga Street light awm lohna hmun te chu eng kan hmuh theihnan DUDO chu lo servey tura ruat a ni bawk. 

Meeting-ah hian Pu Jacob Lalawmpuia, Addl DC,  Addl SP, DTO, Superintendent of Excise, SDO PWD leh DIPRO te an tel a ni.