Vawiin khan Food Safety Authority of Mizoram,Health & Family Welfare Department buatsaihin Food Safety Supervisos Training,ni thum awhtur chu Aizawl Club Conference Hall ah tan a ni.
He training hawnna hi Dr.F.Lallianhlira,Joint Commissioner Food Safety cum Principal Director, Health & Family Welfare Department chuan a kaihruai a. Pu.Lalrinliana, Commissioner Food Safety cum Secretary,Health & Family Welfare chuan khuallian niin a hmanpui a, Dr.K.N.Shashikant, Senior Consultant and National Level, Food Safety & Quality,CII FACE,Bangalore chu resource person niin power point hmangin kalkhawmte chu zirtirna a pe a ni.
Food Safety & Standard Act,2006 in a phut angin ei leh in siamna leh zawrhna licence nei zawng zawngte chu eitur thianghlim siam a, zawrh anih theih nan training an nei ngei tur tih a ni a. Hemi tihhlawhtlinna atan hian FSSAI chuan Food Safety Training & Certificate Programme (FoSTaC) chu kum 2017 khan a duangchhuak a, State tinah training hi buatsaih theuh tura tih niin, FSSAI hian training pe tur hian mithiam thlansa a nei a ni.
FosTaC training hi Mizoram-ah chuan a vawikhatna a ni a,ni 20 - 21 June hi Hotel, Restaurant,Catering leh Canteen te tan buatsaih a ni a, ni 22 hian Bakery te tan buatsaih leh a ni ang. Training ta hnenah hian Certificate pek vek tur a ni a, hun lokal zelah FoSTac training neilo tan Food Business hi a tih theih dawn loh a ni.
Mizoram ah ei leh in siam leh zuar licence nei an tam tawh avangin tun tum training ah hian tel vek theih a ni lova.Hun remchang danga training hi buatsaih leh thuai tura ruahmanna siam a ni. Pu.Lalsawma,Deputy Food Safety Commisioner cum Joint Director,F&D chuan kalkhawmte hnenah lawmthu a sawi bawk a ni.
