Vawiin chawhma dar 10:30 hian Pu Lalvenhima, Election Officer, Serchhip District hovin District chhunga Electoral Registration Officer leh Asst. Electoral Registration Officer te chuan 2^nd Special Summary Revision chungchungah training an nei.

Election Officer chuan Photo Electoral Roll atana Special Summary Revision thawh hnihna ah hian an hnathawhna ber tur Ero Net chungchang leh Service Voters chungchanga hriattur tulte a sawi a. Fimkhur taka hnathawkin, Electoral Roll felfai taka buatsaih anih ngei theihna atan tan la tlang turin a ngen a ni.

Ruahman lawk danah chuan ni 31 July, 2018 hian Draft Electoral Roll tarchhuah tur ani a, hemi atanga ni 21 August, 2018 thleng hian siam that ngai leh sawisel ngaite a awm anih chuan hun hawn tur niin, ni 20 September, 2018 ral hmain paih ngaite an paih fel leh anga. Ni 27 September, 2018 Electoral Roll tarchhuah tur ani tawh dawn a ni.

Vawiin training ah hian Serchhip District chhunga Assembly Constituency 3 viltu ERO 3 leh AERO 4 te an tel kim vek a ni.